بادنجان سيجار رولي وفارسي.
المكونات :
بادنجان+فروماج وممكن تعملي لحم مفروم في مكانو+بيضة مخفوقة+فرينة+خبز مرحيأو شابلير+زيت للقلي
أولا تنقي البادنجان وتقطعيه شرائح متوسطة عدليها بالسكين حتى تولي كل شريحتين من نفس الشكل والحجم ترشيها بالملح وتخليها 5 د حتى تطلق الماء تنشفيها منو بورق مصاص
تقليها في الزيت من غير ما تتحمر وتحطيها على ورق مصاص حتى تبرد
تاخدي شريحة تحطي فيها قطعة من الفورماج انا بصراحة كا اطباقي نستعمل فيها جبن باربار فعلا روعة او تحطي حربوش من اللحم المفروم حسب الرغبة وترولي حتى يولي شكل سيجار
مرغديه في الفرينة مليح خاصة الجوانب
ثم في البيضة المخفوقة مع شوية ملح
ثم في الشابلير
أو ديري طبقة من الجبن او اللحم المفروم فوق شريحة البادنجان
غطيها بشريحة ثانية من البادنجان
مرغديها في الفرينة ثم البيض ثم الشابلير
اقليهم في زيت غزيرة وحطيهم مباشرة فوق الورق الماص
قدميهم مع سلاطة او البطاطا المقلية ولا حسب الرغبة
شوفو الشكل من الداخل والجبن دايب امممممممم طعم لا يقاوم
وبالصحة والهنا
0 التعليقات:
إرسال تعليق