وصفة العجينة المورقة سهلة و ناجحة 100 %
المقادير:
750 غ فرينة مغربلة
نصف كاس زيت عادي
عصير نصف حبة ليمون وهادا السر 1
مليح...أنا زدت ملعقة صغيرة سكر للبنة أكثر
ماء للعجن في الشتاء في الحنفية وفي الصيف من الثلاجة
375 غ زبدة التوريق بحرارة الغرفة
750 غ فرينة مغربلة
نصف كاس زيت عادي
عصير نصف حبة ليمون وهادا السر 1
مليح...أنا زدت ملعقة صغيرة سكر للبنة أكثر
ماء للعجن في الشتاء في الحنفية وفي الصيف من الثلاجة
375 غ زبدة التوريق بحرارة الغرفة
ضعي في قصعة أو وعاء كبير الفرينة....أعملي حفرة وحطي فيها الزيت
عصير الليمون
الملح
خلطي ثم أضيفي الماء تدريجا حتى الحصول على عجين طري متماسك باش ميغلبكش ممبعد كوريه وضعيه في كيس وخليه في الثلاجة يرتاح
نجو للزبدة الحق انا درت غير 350 غ دريها في يدك وعبزيها وأخدميها وأقلبيها في يدك مدة 2 الى 3 دقائق حتى تشوفيها بياضت وهادا هو السر رقم 2
ماتخفيش راهي متلصقش أفضل من أنك تخدميها في وعاء رايحة تلصقلك فيه وتغلبك باش تلميها
ديريها داخل كيس نظيف وحليها على شكل مربع ثم خليها فالثلاجة تبرد مليح ...لمدة ميهمش ممكن 20 د الى 45 دقيقة
هنا جبدت العجين ورشيت فرينة ثم حليت العجينة على شكل مربع كبير ثم حطي المارغرين عكس المربع
أغلقي العجين على المارغرين مليح ومتخليش الهواء داخل ..ثم اقلبيها وأبداي تحلي
ثم طبقي على 3 كما البورت فوي هكذا
هنا طبقت على 3 وركزو معايا مليح في هده النقطة
كي طبقي رايحة تتحصلي على مربع الجهة اللي مقابلتك وحدة مسكرة ووحدة مفتوحة وين راهي يدي أوكي نتي لازمك أدوري المربع نصف دايرة باش تولي الجهة اللي مقابلتك مفتوحين في 2 ان شاء الله فهمتو عليا شوفو الأسهم ثما لازم يكونو مفتوحين
عاودي حلي ثم طبقي على 3 كما في الاول ديريها في كيس ودخليها للثلاجة تريح
وهكذا العملية تعاوديها مرتين يعني زيدي مرة خليها تريح وزيدي مرة وخلاص طبعا دورتين في كل مرة فيها 2 خطرات ونتي طبقي اوكي في الأخير تتحصلي على أروع عجينة مورقة سهلة وجميلة
أقسميها على واش تحتاجي وغلفيها مليح وأووووب الى المجمد
0 التعليقات:
إرسال تعليق