ميني كيك بالتمر
المقادير :
2 بيضات - 170غ دقلة - و لا تمر طري ميش يابس - كاس ماء-150غ سكر - 70 غ زبدة ذايبة -مغرفة صغيرة خميرة الحلوى - نص مغرفة صغيرة بيكاربونات - 180 غ فرينة
اولا قطعي التمر قطع صغار و طيبيه في الكاس نتاع الماء حتان ينشف و حطيه يبرد لازم يبرد باه تبداي الخدمة
كي يبرد التمر رايح يكون كي لعجينة لي في الطبسي في الصورة
ابداي طلعي البيض مع قرصة ملح و السكر مليح مبعد الزبدة حتى يطلع مليح مبعد زيديلو التمر و زيدي خلطي بالباتور
و مبعد زيدي الفرينة مع لخميرة و ل بيكاربونات و خلطيهم بالمغرفة
ادهني لي مول نتاعك بالزيت و رشي عليهم الفرينة و فرغي الخليط و الى الفرن لي يكون مسخن قبل
و هنا كي طاب و خرجتو من الفور
و التزيين رايح يكون حسب الموجود بصح لازم تدهنيه بشوكولا و مبعد كيما تحبي انا درت نص بالنوادكوكو و نص باللوز افلي
وبالصحة والهنا
0 التعليقات:
إرسال تعليق